នៅចាំបានទេឧកញ៉ាចិត្ដធម៏ម្នាក់ នោះគឺលោក ឧកញ៉ា ឡេង ណាវ៉ាត់ត្រា ដែលរូបលោកគឺជាឧកញ៉ាមួយរូប ដែលតែងតែធ្វើអំពើមនុស្សធម៌ជាច្រើន ដោយកាលពីប៉ុន្មានថ្ងៃមុននេះ លោកបានបង្ហោះនៅលើគណនី ហ្វេស ប៊ុកផេករបស់លោក ប្រសិនបើមានអ្នកព្រមចុះឈ្មោះរៀនភាសាកូរ៉េនោះ លោកនឹងចំនាយថវិកាផ្ទាល់ខ្លួន ដើម្បីសាងសង់សាលាព្រមទាំងកន្លែងស្នាក់នៅថែមទៀតផង។
ជាមួយគ្នានេះដែរ ក្រោយពីមានអ្នកចុះឈ្មោះសិក្សាមានចំនួនរហូតទៅដល់ ២ពាន់នាក់នោះ ក្នុងពេលនេះលោកបានសម្រេច រៀបចំសាលារៀន ព្រមទាំងកន្លែងស្នាក់នៅ តាមការសន្យារបស់លោក ដោយក្នុងខ្លឹមសារនេះ លោកបានសរសេរថា៖”ខ្ញុំចាប់ផ្ដើមរៀបចំ សង់បន្ទប់ស្នាក់នៅ និងសាលាបណ្ដោះអាសន្នហើយ! ជួយស៊ែរអោយបងប្អូនបានដឹង។
ព្រោះមានអ្នកចុះឈ្មោះជិត២០០០នាក់មក ដល់ពេលនះ យើងនៅបន្តទទួល បន្ថែមឲ្យដល់៣០០០នាក់តែម្ដង។ រៀនផងធ្វើការផង បានទាំងប្រាក់ខែ បានទាំងចំណេះ ក្នុងនោះ អ្នកគ្មានជំនាញសោះ ទទួលបាន ៨០ម៉ឺនរៀល ក្នុង១ខែ ហើយយើងកាត់អាហារតែ ១៥ម៉ឺនរៀលក្នុងមួយខែ និង ស្នាក់នៅទឹកភ្លើង៥ម៉ឺនរៀល អីចឹងបងប្អូនយើងអាចសល់៦០ម៉ឺនរៀល ទុកជូនម្ដាយឪពុក ឬសន្សំ បង្កើតមុខរបរខ្ល្នឯង។
យើងនិងសង់បន្ទាប់ស្នាក់នៅ២០០បន្ទាប់ ក្នុងនោះ១បន្ទាប់ស្នាក់នៅ៤នាក់ បែងចែកប្រុសស្រី ដាច់ពីគ្នា។ ទីតាំងយើងសម្រេចធ្វើនៅ ក្បែរ ក្រុងប៉ោយប៉ែត ដោយផ្នែកលើអ្នកចុះឈ្មោះភាគច្រើនជា ជាពលករធ្វើការនៅប្រទេសថៃ និងទីតាំង ធំ អំណោយផលល្អ។ ការបង្រៀនមិនមែនសំដៅតែរៀនលើជំនាញ ភាសាកូរ៉េ១មុខឡើយ គឺខ្ញុំនឹងបង្កើត
ឲ្យមានបង្រៀន ភាសាចិន ជប៉ុន អង់គ្លេស និង បង្រៀនបែបពហុជំនាញជាច្រើនមុខទៀតដូចជាបើកបរ ជុសជុលម៉ូតូ ទូរស័ព្ទ និងជំនាញផ្សេងៗទៀត ប៉ុន្តែជំហានដំបូង គឺខ្ញុំធ្វើលើ ភាសាកូរ៉េមុខគេសិន។ បងប្អូនបំណងចង់រៀនភាសាកូរ៉េ នៅមិនទាន់ហួសពេលនោះឡើយយើងនៅតែបន្តទទួលពាក្យ។ សូមមេត្តាចែករំលែកព័ត៌មាននេះ ដើម្បីឲ្យបងប្អូនយើងបានដឹងច្រើនគ្នាផង សូមអរគុណ”៕
Post a Comment (0)