បើនិយាយពីឈ្មោះរបស់លោកឧកញ៉ាចិត្តធម៌ ម៉ុង ឬទ្ធី ប្រិយមិត្តទាំងអស់គ្នាប្រាកដជាស្គាល់ តាមរយៈសកម្មភាពមនុស្សជាច្រើនរបស់លោកដូចជាការជួយចាស់ជរា ជួយបរិច្ចាគធនធានដល់ជនក្រីក្រ ក៏ដូចជាការផ្តល់ការងារដល់ជនខ្វះខាត ដើម្បីមានចំណូលចិញ្ចឹមគ្រួសារ។ ហើយថ្មីៗនេះ លោកឧកញ៉ាក៏បានបង្ហាញពីចំណេះដឹងមួយ ដែលលោកឧកញ៉ា និងភរិយា បានចេះដឹងកាលពីជំនាន់ខ្មែរក្រហម ដើម្បីឲ្យកូនចៅជំនាន់ក្រោយបានដឹង ដែលចំណេះដឹងនោះគឺជាការធ្វើត្រីប្រហុកមិនប្រើសារធាតុគីមី។
លោកឧកញ៉ាបានបញ្ជាក់ឲ្យដឹងថា៖ “ថ្ងៃនេះខ្ញុំចំណាយពេលបង្រៀនប្រីយមិត្ត Facebook យេីងដែលចង់មានចំណេះដឹងអំពីបច្ចេកទេសធ្វេីត្រីប្រហុក មិនប្រើសារធាតុគីមី ដេីម្បីបង្រៀនកូនចៅខ្មែរយេីងជំនាន់ក្រោយៗបន្តទៀតអោយចេះធ្វេីប្រហុក យេីងត្រូវចាប់យកត្រីស្រស់ដែលមានគុណភាពមកភ្លាស់យកតែសាច់ រួចហើយលាងទឹកអោយស្អាត ត្រាំទឹកទុក48ម៉ោងរួចហេីយស្រង់យកមកប្រឡាក់អំបិល40% ( ត្រី100kgអំបិល40kg ) យកមកញាត់បាវសង្កត់អោយអស់ទឹក រក្សាទុកមួយសប្ដាហ៍ឬពីរសប្ដាហ៍ក៏បានរួចហេីយយកមកប្រឡាក់អំបិលថែមបន្តិចទៀត រួចហេីយញាត់ចូលពាងរក្សាទុករយៈពេលប្រាំមួយខែឡេីងទៅទេីបអាចយកមកហូបបាន ចង់រក្សាទុកដប់ឆ្នាំក៏បានដែរ សុំកុំចាក់ទឹកដែលស្រង់យកត្រីចេញនេះចោលអោយសោះ យកមកស្ងោរធ្វើទឹកត្រីមានឱជារសឆ្ងុយឆ្ងាញ់លេខមួយ។ សុំអភ័យទោសផងបេីមានកំហុសឆ្គង នេះជាចំណេះដឹងមួយផ្នែកតូចដែលរូបខ្ញុំ និងភរិយាចេះដឹងពីជំនាន់ខ្មែរក្រហមរហូតមកដល់សព្ទថ្ងៃនេះ។”៕
Post a Comment (0)