វីដេអូឃ្លីបមួយ បានធ្វើឱ្យមនុស្សជាច្រើនអាណិតខ្លោចចិត្តដោយសារតែវីដេអូឃ្លីបនោះ បានបង្ហាញពីសកម្មភាពមេឆ្មាមួយក្បាលខំកាយដីលុបខ្មោចកូនរបស់វា ដែលអារម្មណ៍របស់វាហាក់ដូចជាឱ្យយើងដឹងថា វាឈឺចាប់មិនចាញ់អារម្មណ៍របស់មនុស្សឡើយ ដ្បិតតែវាមិនចេះនិយាយក៏ដោយ ។
យ៉ាងណាមិញ ចំពោះសកម្មភាពខាងលើនេះ ត្រូវបានគេដឹងថា បានកើតឡើងនៅប្រទេសឥណ្ឌូនេស៊ី ដោយមានម្ចាស់គណនីហ្វេសប៊ុកមួយបានបង្ហោះជាវីដេអូឃ្លីប និង សរសេរថា «មេឆ្មាមួយក្បាលនេះ កំពុងកាយដីកប់កូនរបស់វាដែលងាប់ ដោយសារមនុស្សជាអ្នកសម្លាប់» ។
បើតាមការប៉ាន់ស្មានរបស់អ្នកលេងហ្វេសប៊ុក កូនឆ្មាកម្សត់នេះអាចត្រូវបានម្ចាស់វាសម្លាប់ ព្រោះបើតាមសាររបស់ម្ចាស់គណនីហ្វេសប៊ុកដែលបានបង្ហោះវីដេអូឃ្លីបនេះបានឱ្យដឹងទៀតថា «បើមិនចង់ឱ្យវារស់នៅ ក៏មិនចាំបាច់ធ្វើបែបនេះដែរ…» ។ គួរបញ្ជាក់ថា សម្រាប់សកម្មភាពរបស់មេឆ្មាខាងលើ បានធ្វើឱ្យមនុស្សជាច្រើននាក់រំជួលចិត្ត អាណិតអាសូរយ៉ាងខ្លាំង ហើយពួកគេក៏នាំគ្នាខឹងសម្បាទៅលើអ្នកដែលធ្វើឱ្យកូនឆ្មានោះងាប់ ៕
សូមទស្សនាវីដេអូខាងក្រោម៖
Post a Comment (0)